ឈ្មោះព្រឹក្សមួយប្រភេទ កំពស់ពី ២០ ទៅ ៣០ម មានឬសចន្ទល់ធំៗ ឬសជើងទោម នឹងឬសដែលដុះចេញពីដីល្បាប់រាងដូចទំពាំងតូចៗជាច្រើន ឬសទាំងបីយ៉ាងនេះ សម្រាប់អោយរុក្ខជាតិដកដង្ហើម ព្រោះដីភក់គ្មានជាតិអុកស៊ីសែនច្រើនឡើយ ។ ព្រឹក្សនេះដុះក្នុងព្រៃកោងកាង តាមដងសមុទ្រក្នុងប្រទេសក្ដៅ ។ សំបក ផ្លោងប្រសាក់ធំគេប្រើសម្រាប់សម្លាប់ស្បែក ឬជ្រលក់សំពត់ និងសំណាញ់នេសាទ ។